აჭარის მაუწყებლის პირდაპირი ეთერი ჩვენთვის დაბლოკილია - უფლებადამცველები

უფლებადამცველების თქმით, აჭარის საზოგადოებრივი მაუწყებლის პირდაპირი ეთერი სოციალური საკითხებისთვის დაბლოკილია. მათი შეფასებით, მაუწყებელი რეგიონში არსებულ მძიმე სოციალურ ფონს არ იმჩნევს და თემები მიზანმიმართულად იჩქმალება. 

უფლებადამცველებმა ამის შესახებ გადაცემაში "პოზიცია" ისაუბრეს. განაცხადეს, რომ საკითხს საინფორმაციო სამსახური მცირე დროს უთმობს, რაც არასაკმარისია. 

კომენტარისთვის აჭარის საზოგადოებრივ მაუწყებელს დაუკავშირდით, სადაც გვითხრეს, რომ რესპონდენტებმა კონკრეტული ჟურნალისტები უნდა დაასახელონ, რომლებმაც სოციალური საკითხების გაშუქებაზე უარი განაცხადეს. 

- ჟურნალისტი: შეგიძლიათ გვითხრათ, ბოლოს როდის მოამზადეთ გადაცემა სოციალურ საკითხებზე?

-  აჭარის მაუწყებელი: შეგიძლიათ ვებგვერდზე ნახოთ.