აქცია სარფში

ხმაური და დაძაბულობა სარფის საბაჟო გამშვებ პუნქტზე. აქციას  ის მოქალაქეები  მართავენ, რომლებმაც გამშვები პუნქტი ცოტა ხნის წინ გადმოკვეთეს. ამბობენ, რომ მას შემდეგ, რაც ახალი უფროსი დაინიშნა, პროდუქციისა და მედიკამენტების გადმოტანის პროცედურები ხელმძღვანელობის მხრიდან ხელოვნურად შემქნილი  მიზეზების გამო გართულდა. მოქალაქეები ყვებიან, რომ ეს დაახლოებით 2 თვეზე მეტია გრძელდება. აქციის მონაწილეებს ხელმძღვანელობასთან გასაუბრება სურს, თუმცა მათ არავინ ხვდება.  ისინი ვერც პასუხებს იღებენ და ვერც ჩამორთმეულ პროდუქციას იბრუნებენ. შემოსავლების სამსახურმა მხოლოდ  ზოგადი განმარტება გააკეთა. მხოლოდ სმს შეტყობინების სახით მოგწერეს, რომ საზღვრის მკვეთი ფიზიკური პირების მიმართ მოქმედებს კონკრეტული საგადასახადო შეღავათები.