ბათუმის მწერალთა სახლში ტარიელ ფუტკარაძის ხსოვნისადმი მიძღვნილი ფილმის ჩვენება გაიმართა

ბათუმის მწერალთა სახლში ტარიელ ფუტკარაძის ხსოვნისადმი მიძღვნილი ფილმის ჩვენება გაიმართა. პრეზენტაციას პროფესორის ოჯახის წევრები, ახლობლები და აჭარის მთავრობის წარმომადგენლები ესწრებოდნენ. ტარიელ ფუტკარაძე ფილოლოგიის მეცნიერებათა დოქტორი და პროფესორი იყო. მის სახელზეა 300-ზე მეტი ენათმეცნიერული ნაშრომი და 300-მდე პუბლიცისტური წერილი. მისივე რედაქტორობით 60-მდე მონოგრაფია და სამეცნიერო კრებულია გამოქვეყნებული. ფუტკარაძე გასულ წელს, 61 წლის ასაკში გარდაიცვალა. მისი სიცოცხლე კორონავირუსმა იმსხვერპლა.