ბათუმში დასაქმების ფორუმი გაიმართა

ბათუმმა დასაქმების ფორუმს უმასპინძლა. ღონისძიებაში აჭარაში, სხვადასხვა სფეროში მოქმედი  75 კომპანია მონაწილეობდა. წარდგენილი იყო  2000-ზე მეტი ვაკანსია. დაინტერესებულებს შესაძლებლობა ჰქონდათ, უშუალოდ გასაუბრებოდნენ დამსაქმებლებს, გასცნობოდნენ მათ პირობებს და შეთავაზებებს. ფორუმის ფარგლებში გაიმართა საჯარო ლექცია თემაზე „თვითმოტივაციის როლი კარიერულ განვითარებაში“. ღონისძიება დასაქმების ხელშეწყობის სახელმწიფო სააგენტოს, აჭარის დასაქმების სააგენტოსა და ბათუმის შოთა რუსთაველის სახელმწიფო უნივერსიტეტის ერთობლივი თანამშრომლობით გაიმართა. მას საქართველოს და აჭარის ჯანდაცვის მინისტრები დაესწრნენ.