დღეს, 3 დეკემბერს, 12:00 საათზე, ევროპის მოედანზე მოსწავლეები აქციას გამართავენ

1733212832

დღეს, 12:00 საათზე, ევროპის მოედანზე მოსწავლეები აქციას გამართავენ. „მოსწავლეთა ევროპული გაერთიანების“ ცნობით, სხვადასხვა სკოლის მოსწავლეები შეიკრიბებიან.

"ჩვენთვის მიუღებელია ის რეალობა, რომელიც დღეს ჩვენს ქვეყანაში ვითარდება და ეწინააღმდეგება ქართველი ერის ნებას, სურვილსა და ნათელ მომავალს! ვიბრძოლებთ მანამ, სანამ არ აღსრულდება ქართველი ენის ნება, არ აღდგება დემოკრატია და აღარაფერი დაემუქრება საქართველოს ევროპულ მომავალს!

არ დავნებდებით, არ გავჩერდებით და ვიბრძოლებთ დამოუკიდებლობისთვის, დემოკრატიისთვის, ბედნიერი და ნათელი მომავლისთვის, ისეთისთვის, როგორიც ჩვენმა ღირსეულმა წარსულმა და ახლანდელმა მტკიცე ერთიანობამ დაუოკებელი სულისკვეთებითა და ბრძოლით დაიმსახურა!

ჩვენ არ დავესწრებით საგაკვეთილო პროცესს და არ დავბრუნდებით სკოლებში მანამ, სანამ არ დაკმაყოფილდება ქართველი ერის სურვილი!

სწორედ ამიტომ, მოგიწოდებთ მოსწავლეებს, მასწავლებლებს, მშობლებსა და თანამედროვე საზოგადოებას შემოუერთდეთ მოსწავლეების მშვიდობიან პროტესტს, რომელიც გაიმართება ხვალ, 3 დეკემბერს, 12:00 საათზე, ევროპის მოედანზე“ – აღნიშნულია განცხადებაში.

ორგანიზაციის ცნობით, პროტესტს უერთდებიან შემდეგი სკოლების მოსწავლეები

ქალაქ ბათუმის №1 საჯარო სკოლა;
ქალაქ ბათუმის №2 საჯარო სკოლა;
ქალაქ ბათუმის №3 საჯარო სკოლა;
ქალაქ ბათუმის №4 საჯარო სკოლა;
ქალაქ ბათუმის №6 საჯარო სკოლა;
ქალაქ ბათუმის №7 საჯარო სკოლა;
ქალაქ ბათუმის №8 საჯარო სკოლა;
ქალაქ ბათუმის №9 საჯარო სკოლა;
ქალაქ ბათუმის №10 საჯარო სკოლა;
ქალაქ ბათუმის №13 საჯარო სკოლა;
ქალაქ ბათუმის №14 საჯარო სკოლა;
ქალაქ ბათუმის №16 საჯარო სკოლა;
ქალაქ ბათუმის №18 საჯარო სკოლა;
ქალაქ ბათუმის ქართულ-ამერიკული სკოლა;
ქალაქ ბათუმის წმ. ანდრია პირველწოდებულის სახელობის სასულიერო გიმნაზია;
ქალაქ ბათუმის სკოლა-ლიცეუმ „მასტერკლასი“;
ქალაქ ბათუმის კავკასიის ბიზნეს სკოლა;
ქალაქ ბათუმის ქართულ-ამერიკული სკოლა „პროგრესი“;
ქალაქ ბათუმის სკოლა „ევრო – 2000“.