დღესასწაული „შუამთობა“ ბეშუმსა და ჩირუხის მთაზე 6-7 აგვისტოს გაიმართება

დღესასწაული „შუამთობა“ ბეშუმსა და ჩირუხის მთაზე 6-7 აგვისტოს გაიმართება. აჭარის განათლებისა და კულტურის სამინისტროს ბიუჯეტიდან ღონისძიებებისთვის, დააახლოებით, 156 ათასი ლარი დაიხარჯება. თანხაში შედის ჯიხურების გადახურვა, კვების კუთხის მოწყობა, დეკორაციები, ქორწინების კუთხე, საბავშვო ატრაქციები, მაისურები სპორტულ ღონისძიებაში მონაწილეებისთვის და სხვა ხარჯები. გათვალისწინებულია პანტომიმა/ანიმატორების შოუც. დღესასწაულზე ადგილობრივ შემსრულებლებთან ერთად მოწვეული, არტისტებიც მიიღებენ მონაწილეობას. ორივე მთაში, იდენტური ღონისძიებებია დაგეგმილი. ბეშუმში ღონისძიებას უხუცესთა ანსამბლი „ბერმუხა“ გახსნის. შეგახსენებთ, პანდემიის გამო ბოლო ორი წელი „შუამთობის“ დღესასწაული არ გამართულა.

მეტის ნახვა