ფიზიკური დაპირისპირება აჭარის ჯანდაცვის სამინისტროში | ნიჟარაძის უწყებაში TV 25 არ შეუშვეს

მმართველი გუნდი არჩევნებში გამარჯვებას მესამე დღეა ზეიმობს. მესამე დღეა გვიმტკიცებენ, რომ ხალხმა მართვის მანდატი კიდევ ერთი ვადით იმიტომ მიანიჭა, რომ ქვეყანა ყვავის და ამას მხოლოდ ქვეყნის მტრები არ იმჩნევენ. ამ დროს კი ათასობით უსახლკარო, გაჭირვებული, სიღატაკის ზღვარს მიღმა მყოფი ადამიანი კვლავ აქციებს მართავს, კვლავ ხელისუფლების საკუთრებაში არსებულ ფართებში უკანონოდ შედის და კვლავ სახელმწიფო უწყებების კართან ათენ-აღამებს. არც არჩევნებამდე და არც არც არჩევნებში გამარჯვების შემდეგ კი  ხელისუფლება ამ ადამიანების ბედით არ ინტერესდება. დღეს დანაპირების შესახსენებლად 28 უსახლკარო ოჯახი, რომელიც აგერ უკვე ერთი თვეა ბუკნარში გაუსაძლის პირობებში, ნახევრადდანგრეულ შენობაში ცხოვრობს, ჯანდაცვის სამინისტროში  მივიდა.