ინოვაციების ეკოსისტემის განვითარების ხელშეწყობა

ბათუმს, UNDP-სა და საქართველოს ინოვაციებისა და ტექნოლოგიების სააგენტოს შორის სამმხრივი შეთანხმება გაფორმდა. მემორანდუმი მუნიციპალიტეტში სტარტაპ და ინოვაციების ეკოსისტემის განვითარების ხელშეწყობას გულისხმობს. თანამშრომლობის ფარგლებში რეგულარულად უნდა ჩატარდეს კონსულტაციები და დაიგეგმოს ღონისძიებები, ბათუმში, სტარტაპ ეკოსისტემის განვითარების მიზნით. პროექტი ევროკავშირისა და გაეროს განვითარების ფონდის ინიციატივის „მერები ეკონომიკური ზრდისთვის“ ფარგლებში ხორციელდება. ბათუმი კონკურსის წესით შეირჩა.