ხელვაჩაურის მუნიციპალიტეტში სოციალური სახლების მშენებლობა მიმდინარეობს

ხელვაჩაურის მუნიციპალიტეტში სოციალური სახლების მშენებლობა მიმდინარეობს. ინფორმაციას ამის შესახებ აჭარის მთავრობა ავრცელებს. უწყების ცნობით, სოფელ  კაპრეშუმში, 9 სართულიან, მრავალბინიან საცხოვრებელში ცხოვრებას 90 ოჯახი  გააგრძელებს. ამ ეტაპზე შენობაში შიდა სამუშაოები მიმდინარეობს. სოფელ ერგეში კი 11 სართულიანი სოციალური სახლი შენდება. თანამედროვე სტანდარტების შენობა სრულადაა ადაპტირებული შშმ პირებისთვის. ამ ეტაპზე აშენებულია  სამი სართული. ფართით სულ 121 ოჯახი დაკმაყოფილდება. სოფელ ერგესა და კაპრეშუმში სოციალური სახლების მშენებლობის მიმდინარეობას  აჭარის მთავრობის თავმჯდომარე ხელვაჩაურის მერთან ზაზა დიასამიძესთან ერთად გაეცნო.