მოსალოდნელია ძლიერი ქარი, წვიმა, თოვლი - როდის გამოიდარებს აჭარაში | პროგნოზი

გარემოს ეროვნული სააგენტოს ინფორმაციით, აჭარაში, მთელი დღის განმავლობაში იწვიმებს, მაღალმთიან რაიონებში კი მოთოვს. დღის პირველ ნახევარში გაძლიერდება სამხრეთ-დასავლეთის მიმართულებით ქარი, 15-20 მეტრი წამში.

ჰაერის ტემპერატურა დაბლობში 9-11 გრადუსი იქნება, მთიან რაიონებში 5-7, მაღალ მთაში 0, +2.

გამოიდარებს ხვალ, ჰაერის ტემპერატურა 13-16 გრადუსამდე მოიმატებს. ღამით ნარჩუნდება 8 გრადუსი.

სინოპტიკოსების პროგნოზით, კვლავ იწვიმებს 23 ნოემბერს, დღის მეორე ნახევრიდან. მაღალ მთაში ვარაუდობენ თოვლჭყაპს.

უნალექო ამინდია მოსალოდნელი 24 ნოემბრის დღის პირველი ნახევრიდან 26 ნოემბრამდე. ჰაერის ტემპერატურა 18 გრადუსამდე მოიმატებს.