„ოცნების ქალაქში“ მცხოვრებლების პროტესტის მიუხედავად, ჯანდაცვის სამინისტრომ 108 ოჯახს საცხოვრებელი გადასცა

„ოცნების ქალაქში“ მცხოვრებლების პროტესტის მიუხედავად ,  ჯანდაცვის სამინისტრომ  108 ოჯახს ბინა  გადასცა. მათ  საცხოვრებლის მიღება მინისტრმა ნინო ნიჟარაძემ მიულოცა. უწყების ცნობით, განაწილების პროცესი შემდეგ დღეებშიც გაგრძელდება. სამინისტროს ცნობით,  უკვე ეცნობა იმ ოჯახებს, რომლებიც საცხოვრებელი ფართებით დაკმაყოფილდებიან. ჯამში პირველ ეტაპზე ბინას 582 ოჯახი მიიღებს. სამი მრავალსართულიანი კორპუსის მშენებლობა და კეთილმოწყობა "ოცნების ქალაქში" უკვე დასრულებულია. ყოველდღიურ რეჟიმში კი იქ მცხოვრებლები აქციებს მართავენ. აცხადებენ, რომ მათთვის გაუგებარია, რა კრიტერიუმით ხდება განაწილების პროცესი. ითხოვენ გამჭვირვალობას და ამბობენ, რომ  თუ ხელისუფლება მათ მოთხოვნებს არ გაითვალისწინებს, აქციებს გამართავენ.