პარაშუტის ჩამოვარდნის შედეგად დაშავებული კაცი კლინიკიდან გაეწერა

ბათუმში პარაშუტის ჩამოვარდნის შედეგად დაშავებული კაცი კლინიკიდან გაწერეს. იგი საავადმყოფოში სტაბილურ მდგომარეობაში მიიყვანეს.  მედიკოსის განცხადებით, პაციენტს  შესაბამისი გამოკვლევები ჩაუტარდა და მის სიცოცხლეს საფრთხე არ ემუქრება. 4 ივლისს ბათუმში პარაშუტი ჩამოვარდა, რომელზეც ტურისტი ცოლ-ქმარი იმყოფებოდნენ. ქალი ადგილზე გარდაიცვალა, ხოლო კაცი კლინიკაში გადაიყვანეს. შინაგან საქმეთა სამინისტრომ მომხდარზე გამოძიება სისხლის სამართლის კოდექსის 275-ე მუხლით დაიწყო, რაც წყლის ტრანსპორტის ექსპლუატაციის ან უსაფრთხოების წესის დარღვევას გულისხმობს.