რა ღონისძიებებია დაგეგმილი 26 მაისს ბათუმში?

საქართველოს დამოუკიდებლობის დღეზე, 26 მაისს, ბათუმში  მთელი დღის განმავალობაში სხვადასხვა აქტივობა გაიმართება. ღონისძიებების მთავარი ლოკაცია  ბულვარში, ანბანის კოშკის მიმდებარე ტერიტორიაზე იქნება. მოეწყობა ქართულ-ხალხური კუთხეები და ღვინის დეგუსტაცია. დაგეგმილია კონცერტები, საბავშვო, შემეცნებითი და სპორტული აქტივობები, ასევე ბათუმელი მეწარმეების გამოფენა. აჟღერდება საქართველოს ჰიმნი. 26 მაისისადმი მიძღვნილი ღონისძიებები გალა კონცერტით დასრულდება.

დაგეგმილია:

07:00-დან 18:00-მდე - სამხედრო ტექნიკისა და შეიარაღების გამოფენა

12:00 - ხელნაკეთი ნივთების გამოფენა-გაყიდვა, ღვინის დეგუსტაცია, საბავშვო კუთხე

12:00 - კულტურის ცენტრის სასულე ორკესტრი

13:00 - ბენდი „Catfish“

14:00 - ბენდი „Bona dea“

15:00 - ბენდი „ქართული“ და ტრიო „გოგლაურა“

17:10 - რევაზ ლაღიძის სახელობის სამუსიკო სკოლა - საქართველოს ჰიმნი

18:00 - ენვერ ხაბაძის სახელობის სახელმწიფო აკადემიური ანსამბლი „ბათუმი“, ვაჟთა და ქალთა ვოკალური ანსამბლები.