რა ულტიმატუმები აქვთ ბაქოს ქუჩაზე მდებარე ობიექტში შეჭრილ უსახლკაროებს?

აჭარაში ათასობით უსახლკარო ადამიანი ცხოვრობს. ყველას ისტორია მეტ-ნაკლებად განსხვავებულია, თუმცა, ერთი, რაც, მათ აერთიანებს, უკიდურესი გაჭირვება და გაუსაძლისი ყოველდღიურობაა. უსახლკაროები წლების განმავლობაში აჭარის მთავრობასა თუ ბათუმის მერიას განცხადებებითა და დახმარების თხოვნით მიმართავდნენ, აწყობდნენ აქციებს, ცდილობდნენ ჩინოვნიკების ყურამდე მიეტანათ  გასაჭირი, თუმცა უშედეგოდ. უყურადღებოდ და ბედის ანაბარაა მიტოვებული ადამიანები ცდილობენ გამოსავალი თავადვე იპოვონ და ამისთვის სხვადასხვა გზას მიმართავენ. გახშირდა სხვადასხვა ცარიელ შენობაში თვითნებურად შეჭრის შემთხვევებიც. გუშინ გვიან ღამით, 16 ოჯახი  ბაქოს ქუჩის 28 ნომერში შეიჭრა. რა ულტიმატუმები აქვთ მოქალაქეებს?