რას ითხოვენ სამხედრო ბაზის ტერიტორიაზე შეჭრილები

ე. წ. ბარცხანის დასახლებაში, სახელმწიფო ბალანსზე არსებულ ყოფილი სამხედრო ბაზის ტერიტორიაზე უკვე რამდენიმე დღეა უსახლკარო ადამიანები არიან შეჭრილები.  თავდაპირველად, შენობაში 50 პირი იყო შესული, თუმცა, როგორც იქ მყოფები გვიყვებიან, პოლიციელებმა, შანტაჟით, ზეწოლითა და ფსიქოლოგიური ძალადობით, უმრავლესობას ტერიტორია დაატოვებინეს. ამჟამად მიტოვებულ ობიექტში 8 მათგანია დარჩენილი. როგორც ისინი ამბობენ, წასასვლელი არსად არ აქვთ  და საკუთარი ნებით, ტერიტორიას არ დატოვებენ.