რუსთაველის გამზირზე მიმდინარე მოვლენების გაშუქებისას ოპერატორები დაშავდნენ

„ფორმულას“ ოპერატორი თედო ქვაჩახია ტვინის შერყევის დიაგნოზით, ინგოროყვას სახელობის საავადმყოფოში გადაიყვანეს. ტელეკომპანიის ცნობით, ოპერატორს დაზიანებები თავის არეში აღენიშნება. ქვაჩახია წუხელ, რუსთაველის გამზირზე მიმდინარე მოვლენების გაშუქებისას დაშავდა.

აქციაზე წუხელ, პირველი არხის ოპერატორი ბესო გაფრინდაშვილიც დაშავდა.

მას პიროტექნიკა მოხვდა.

გაფრინდაშვილს სამედიცინო დახმარება ადგილზე ჩაუტარდა - მას ხელი აქვს დაზიანებული.

"კარგად [ვარ], კარგად. არ ვიცი, არ დამინახავს, რა მოხდა ზუსტად", - თქვა გაფრინდაშვილმა საზმაუს ეთერში.

არსებული ინფორმაციით, დაშავებულია უცხოური მედიის წარმომადგენელიც.