“საქართველოში ოთხშაბათს გამოიდარებს” | მეტეოროლოგი

დღეს, დღის მეორე ნახევრიდან და ხვალ (16-17 ივნისი) დასავლეთში ყველგან და აღმოსავლეთში ზოგან, მოსალოდნელია კვლავ ხანმოკლე წვიმა და ელჭექი- მიმდინარე კვირის ამინდს მეტეოროლოგი კობა ფარტენაძე პროგნოზირებს. მეტეოროლოგის თქმით, გამოიდარებს ოთხშაბათს.

"გასული დღეები საქართველოში არასტაბილური და  გრილი ამინდით გამოირჩეოდა, ტემპერატურამ +30, +35 გრადუსიდან მნიშვნელოვნად დაიკლო და  შუადღისთვის  +25 გრადუსს არ აღწევდა, კონვექციური ღრუბლიანობა დომინირებდა და მზიან ფანჯრებს კოკისპირული წვიმა ენაცვლებოდა.

დღეს, დღის მეორე ნახევრიდან და ხვალ (16-17 ივნისი) დასავლეთში ყველგან და აღმოსავლეთში ზოგან მოსალოდნელია კვლავ ხანმოკლე წვიმა და ელჭექი, ზოგან შესაძლებელია ძლიერი წვიმა, ელჭექის დროს კი ქარის ხანმოკლე გაძლიერება.

საქართველოში ოთხშაბათს - დღისით გამოიდარებს და მზიანი ამინდია მოსალოდნელი კვირის ბოლომდე"-წერს მეტეოროლოგი, კობა ფარტენაძე ფარტენაძე.