სარფში მდებარე სავაჭრო ჯიხურებში დასაქმებულები აქციას მართავენ

პანდემიის დროინდელი გადასახადების, ასევე  აუქციონის გაუქმება, ხელშეკრულებების გაფორმება - სარფში,  სავაჭრო ჯიხურებში დასაქმებულებმა ამ მოთხოვნებით დღეს საპროტესტო აქციები გამართეს. თვითდასაქმებულები ყვებიან, რომ ჯიხურები 2020 წელს იძულებით დააკეტინეს და დაჰპირდნენ, რომ შეღავათებით ისარგებლებდნენ, თუმცა რეალობა სულ სხვა აღმოჩნდა. დღეს ხელვაჩაურის მერია თითოს,  დაახლოებით 10 ათასი ლარის გადახდას სთხოვს. პროტესტის მონაწილეებმა მათი მოთხოვნების არშესრულების შემთხვევაში პერმანენტული აქციები და საქართველო-თურქეთის გზის გადაკეტვა დააანონსებეს.