თბილისი-ბათუმის პირველი ავიარეისი გაუქმდა - რატომ?

თბილისი-ბათუმის პირველი ავიარეისი თვითმფრინავის გაუმართაობის გამო გაუქმდა. როგორც „ავიაკომპანია ჯეო სქაის“ წარმომადგენელი TV25-თან აცხადებს, ავიახომალდის ტექნიკური ხარვეზი გაფრენის წინ, დაუგეგმავი შემოწმებისას, პილოტმა შეამჩნია.

შალვა კიკნაძის ინფორმაციით, ბორტზე ყველა ბილეთი გაყიდული იყო, თუმცა, 10 საათზე დაგეგმილი ფრენა აღარ განხორციელდა. კიკნაძის ცნობითვე, მგზავრებს ბილეთის საფასური სრულად აუნაზღაურდებათ.

თვითმფრინავს გეგმიური შემოწმება გავლილი ჰქონდა. Georgian Wings თბილისსა და ბათუმს შორის კვირაში 12 ფრენის შესრულებას გეგმავს. რეისები 70 ადამიანზე გათვლილი იტალიურ-ფრანგული წარმოების საჰაერო ხომალდით შესრულდება. ერთი გზის ბილეთის ფასი 155 ლარიდან იწყება. ფრენის ხანგრძლივობა 55 წუთია.