წყალში გადაყრილი ფული და უხარისხოდ შესრულებული სამუშაოები ქედაში

წყალში გადაყრილი ფული და უხარისხოდ შესრულებული სამუშაოები. გიყვებით ქედის მუნიციპალიტეტში, პირველ მაისში მდებარე სოციალურ სახლზე, რომელშიც აგარიდან მეწყერს გამოქცეული 20 ოჯახი ცხოვრობს. მის მშენებლობაზე მილიონნახევარი ლარი დაიხარჯა, თუმცა აშენებიდან ორი წლის შემდეგ აღმოჩნდა, რომ შენობაში არ არის ლიფტი, სასმელი წყალი და პრობლემიური კიდევ რამდენიმე საკითხი. არადა, ადგილობრივი ხელისუფლება ჯერ კიდევ 2022 წელს ამტკიცებდა, რომ  5 სართულიანი კორპუსი ევროსტანდარტების შესაბამისად აშენდა. ქედის მერიაში დღეს სათქმელი თემასთან დაკავშირებით არაფერი აღმოაჩნდათ.