უსახლკაროები ბათუმის მერიასთან დღესაც შეიკრიბნენ

უსახლკაროები ტრადიციულ შეკრებებს განაგრძობენ. ისინი ბათუმის მერიასთან დღესაც მივიდნენ. „ფუხარას ხმის“ ხელმძღვანელის განცხადებით, დღეს ვიცე-მერს შეხვდა და გარკვეულ შეთანხმებასაც მიაღწიეს. მერაბ ბლადაძის ინფორმაციით, უსახლკაროთა საკითხი ნოემბერში,  საკრებულოს პირველივე სესიაზე განიხილება. ბლადაძე იმედოვნებს, რომ პრობლემა ეტაპობრივად მოგვარდება. დანაპირების შესრულების იმედი აქვთ აქციის მონაწილეებაც, თუმცა ხუთშაბათის აქციებს კვლავ აანონსებენ, ვიდრე ყველა უსახლკარო საცხოვრისით არ დაკმაყოფილდება.