მოლდოვამ რუსეთის საელჩოს თანამშრომელი ქვეყნიდან გააძევა

ქვეყნის საგარეო საქმეთა სამინისტროს ინფორმაციით, მოლდოვამ რუსეთის საელჩოს ერთ-ერთი თანამშრომელი პერსონა ნონ გრატად გამოაცხადა და ქვეყნიდან გააძევა. 

მტკიცებულებებით დადგინდა, რომ რუსი დიპლომატი მოლდოვის ტერიტორიაზე დიპლომატიურ სტატუსთან შეუთავსებელ საქმიანობას ახორციელებდა, რაც ქვეყნიდან გაძევების საფუძველი გახდა.

ცნობისთვის, მოლდოვაში რუსეთის ელჩი, ოლეგ ვასნეცოვი დღეს საგარეო უწყებაში დაიბარეს და დიპლომატიური მისიის თანამშრომლის გაძევების შესახებ ინფორმაცია მიაწოდეს.