რა სახელდება დედოფალ ელისაბედის გარდაცვალების მიზეზად? - დოკუმენტი

გუშინ, დედოფალ ელისაბედ II-ის გარდაცვალების მოწმობა გამოქვეყნდა, სადაც მონარქის გარდაცვალების მიზეზად სიბერე სახელდება.

დოკუმენტში ნათქვამია, რომ დედოფალი 8 სექტემბერს, ბრიტანეთის დროით, 15:10 საათზე, ბალმორალის ციხესიმაგრეში, შოტლანდიაში გარდაიცვალა.

გარდაცვალების მიზეზად სიბერე სახელდება. დოკუმენტს ხელს აწერს დედოფლის ქალიშვილი, პრინცესა ანა. 

ელისაბედ II დიდი ბრიტანეთის ყველაზე ხანგრძლივი მონარქი იყო. ის 96 წლის ასაკში გარდაიცვალა. მის ნაცვლად ტახტზე მეფე ჩარლზ III ავიდა, რომელიც ოფიციალურად გამოცხადდა გაერთიანებული სამეფოს ახალ მონარქად.