როცა ევროპის ერთიანობა პრობლემას წარმოადგენს, დეზინფორმაცია იმდენად შორს მიდის, რომ უბრალო ხელსახოცსაც ნარკოტიკად წარმოაჩენს | ელისეის სასახლე

“როდესაც ევროპული ერთიანობა ხელის შემშლელი ხდება, დეზინფორმაცია იმდენად შორს მიდის, რომ უბრალო ხელსახოცს ნარკოტიკად ასაღებს. ეს ყალბი ამბავი საფრანგეთის მტრების მიერ ვრცელდება, როგორც ქვეყნის შიგნით, ისე მის ფარგლებს გარეთ. ჩვენ უნდა დავრჩეთ ფხიზლად მანიპულაციების წინააღმდეგ” – ასე პასუხობს ემანუელ მაკრონის ადმინისტრაცია საფრანგეთის პრეზიდენტის, გერმანიის კანცლერისა და დიდი ბრიტანეთის პრემიერ-მინისტრის, კიევში ვიზიტის დასრულების შემდეგ, მატარებელში გადაღებულ ვიდეოკადრებს. რუსულ მედიაში გავრცელდა ინფორმაცია, რომ მაგიდაზე, რომლის გარშემოც ემანუელ მაკრონი ფრიდრიხ მერცთან და კირ სტარმერთან ერთად იჯდა, თეთრ ფხვნილიანი პაკეტი იდო.

საპასუხო განცხადებაში კი ელისეის სასახლემ გაავრცელა ფოტო, რომელზედაც ჩანს, რომ მაგიდაზე ხელსახოცი დევს.