რუსეთმა უკრაინის ოკუპირებულ რეგიონებში ჯარის შეყვანა დაიწყო

რუსეთს უკრაინის ოკუპირებულ რეგიონებში ჯარი შეჰყავს - ვლადიმირ პუტინმა რუსეთის შეიარაღებულ ძალებს ე.წ. დონეცკისა და ლუგანსკის სახალხო რესპუბლიკებში "მშვიდობის უზრუნველყოფის" ბრძანება მისცა.

"რუსეთის შეიარაღებულმა ძალებმა დონბასში მშვიდობა უნდა უზრუნველყონ" - წერია ოკუპირებულ ტერიტორიებთან გაფორმებული ხელშეკრულებებიდან.

გარდა ამისა, პრეზიდენტმა დაავალა რუსეთის საგარეო საქმეთა სამინისტროს გამართოს მოლაპარაკებები DPR და LPR-თან დიპლომატიური ურთიერთობების დამყარების, მეგობრობის, თანამშრომლობისა და ურთიერთდახმარების შესახებ.

რუსეთმა დონეცკისა და ლუგანსკის რეგიონები დამოუკიდებელ “რესპუბლიკებად” ცნო. გადაწყვეტილება ვლადიმირ პუტინმა უსაფრთხოების საბჭოს სხდომის შემდეგ, სპეციალურ მიმართვაში გამოაცხადა.