შავ ზღვაში, დამატებით 58 მილიარდი კუბური მეტრი ბუნებრივი აირი აღმოაჩინეს - ერდოღანი

შავ ზღვაში, დამატებით 58 მილიარდი კუბური მეტრი ბუნებრივი აირი აღმოაჩინეს. ამის შესახებ თურქეთის პრეზიდენტმა განაცხადა.

რეჯეფ თაიფ ერდოღანის ცნობით, ეს აღმოჩენა ქვეყნის მთლიან ოფშორულ გაზის მარაგს დაახლოებით 710 მილიარდ კუბურ მეტრამდე გაზრდის.

ერდოღანმა მთავრობის სხდომის შემდეგ გამართულ პრესკონფერენციაზე თქვა, რომ რაც შეიძლება მალე დაიწყება ჭაბურღილების მუშაობა. საბადო შავ ზღვაში საქარიას ველის შესწავლისას აღმოაჩინეს. სავარაუდოა, რომ სქარიას საბადო თურქეთის ქსელში გაზის მიწოდებას 2023 წლის პირველი კვარტლიდან დაიწყებს.