წყალდიდობას სულ მცირე 8 ადამიანის სიცოცხლე ემსხვერპლა - სტიქია სამხრეთ კორეაში

სამხრეთ კორეის დედაქალაქ სეულში წყალდიდობას სულ მცირე 8 ადამიანის სიცოცხლე ემსხვერპლა, დაშავდა 14. BBC წერს, რომ დამატებით ექვსი ადამიანი დაკარგულად ითვლება.

კორეის მეტეოროლოგიურმა სააგენტომ განაცხადა, რომ ზოგიერთ რაიონში ნალექის ყველაზე მაღალი მაჩვენებელი იყო ბოლო 80 წლის განმავლობაში. ძლიერი წვიმის გამო დაიტბორა საავტომობილო გზები და მეტროსადგურები.

სტიქიის შედეგად სულ მცირე 163 ადამიანი უსახლკაროდ დარჩა. ისინი სკოლებში გახსნილ დროებით თავშესაფრებში გადაიყვანეს.

სინოპტიკოსების თქმით, წვიმა შესაძლოა რამდენიმე დღის განმავლობაში გაგრძელდეს.