თურქეთში, 5.6 მაგნიტუდის სიმძლავრის მიწისძვრა მოხდა

თურქეთში, კიდევ ერთი, 5.6 მაგნიტუდის სიმძლავრის მიწისძვრა მოხდა - ეს სამი კვირის შემდეგ, რაც დამანგრეველმა მიწისძვრამ თურქეთსა და სირიაში ათასობით ადამიანი იმსხვერპლა.

დღეს მომხდარი მიწისძვრის ეპიცენტრი სამხრეთ თურქეთი, მალათიის პროვინციის ქალაქი იესილიურტი იყო. როგორც მერმა განაცხადა, ჩამოინგრა რამდენიმე შენობა. არსებული ცნობით, შენობის ნანგრევებში მამა-შვილი მოყვა.

AFAD-მა, თურქეთის კატასტროფების მართვის სააგენტომ განაცხადა, რომ 6 თებერვლის შემდეგ მიწისძვრის შედეგად დაზარალებულ რეგიონში 10 000-მდე სხვადასხვა სიმძლავრის მიწისძვრა მოხდა.