ახალი ამბები • 1711618119
ავტობუსში, ქმარმა ცოლს ყელი შვილების თვალწინ გამოჭრა - ქალი ადგილზე გარდაიცვალა
ავტობუსში, ქმარმა ცოლს ყელი შვილების თვალწინ გამოჭრა. შემთხვევა თბილისში მაშინ მოხდა, როცა ცოლ-ქმარი შვილებთან ერთად მგზავრობდა.
თვითმხილველთა ცნობით, მკვლელობა სავარაუდოდ, ეჭვიანობის ნიადაგზე მოხდა. როგორც ერთ-ერთი თვითმხილველი აცხადებს, კაცის გაღიზიანება ცოლის ტელეფონზე მოსულმა მოკლე ტექსტურმა შეტყობინებამ გამოიწვია.
ერთ-ერთი ინფორმაციით, კაცმა ცოლს დანა რამდენჯერმე ჩაარტყა, ქალი ადგილზე გარდაიცვალა. მკვლელობის შემდეგ, კაცი ავტობუსიდან ჩავიდა და პოლიციას ქუჩაში ელოდებოდა.
შსს-ში ამბობენ, რომ პოლიციამ დანაშაულში ბრალდებული პირი შემთხვევის ადგილზევე დააკავა.
გამოძიება საქართველოს სისხლის სამართლის კოდექსის 11 პრიმა 109-ე მუხლით მიმდინარეობს, რაც ოჯახის წევრის მიმართ დამამძიმებელ გარემოებებში ჩადენილ განზრახ მკვლელობას გულისხმობს.
ქალის ცხედარი ცოტა ხნის წინ, ექსპერტიზაზე გადაიყვანეს. თვითმხილველების გამოკითხვა კი ამ დრომდე მიმდინარეობს.
1710917099
1709907782