პოლონეთში, 26 წლის ზუგდიდელი ქალი მოკლეს - დამნაშავე სავარაუდოდ, ქმარია

პოლონეთში 26 წლის ზუგდიდელი ქალი, სავარაუდოდ, ქმარმა მოკლა. შემთხვევა გუშინ ღამე მოხდა. ქალის უფლებებს ორგანიზაცია საფარი იცავდა.

ორგანიზაციაში აცხადებენ, რომ მსხვერპლს შაბათს, 3-ჯერ გამოუძახეს პოლიცია, რის შემდეგაც, ქმარი დააკავეს, თუმცა მოგვიანებით გაათავისუფლეს.

მეორე დღეს, ქალი დაუკავშირდა ადვოკატს და უთხრა, რომ კაცი სახლში მიდიოდა, თუმცა მას მისი ნახვა არ სურდა. საფარი დაუკავშირდა პოლონეთის პოლიციას, თუმცა 26 წლის ქალი ვერ გადაარჩინეს.

ცნობილია, რომ ცოლ-ქმარი პოლონეთში ემიგრაციაში ცხოვრობდა.