ქობულეთში 3 ადამიანის ცივი იარაღით დაჭრის ფაქტზე ერთი პირი დააკავეს

ქობულეთში 3 ადამიანის დაჭრაში ბრალდებული, პოლიციამ, ცხელ კვალზე დააკავა. სისხლიანი გარჩევა, სოფელ გვარაში, გუშინ მოხდა. არსებული ინფორმაციით, კონფლიქტი ციტრუსის ჩაბარებასთან დაკავშირებით დაიწყო.

დაჭრილი 30-დან 40 წლამდე ასაკის სამი მამაკაცი, ქობულეთის ევექსის კლინიკაში გადაიყვანეს და შესაბამისი სამედიცინო დახმარება ჩაუტარდათ, ექიმების ინფორმაციით, მათ სიცოცხლეს საფრთხე არ ემუქრება.

შსს-ს ცნობით, ფაქტზე გამოძიება საქართველოს სისხლის სამართლის კოდექსის 126-ე, ძალადობის მუხლით დაიწყო.