ქურდობა სილამაზის სალონში - წაღებულია 11 000 ლარზე მეტი

ქურდობა სილამაზის სალონში - თბილისში, ვაჟა-ფშაველას გამზირზე მდებარე ესთეტიკის ცენტრიდან 11 000 ლარზე მეტი წაიღეს. თანხა ობიექტს დღეს თანამშრომლებისთვის ხელფასების სახით უნდა დაერიგებინა.

ადგილზე საგამოძიებო მოქმედებები მიმდინარეობს. სალონიდან ნიმუშებიც აიღეს, სამართალდამცავებმა კამერის ჩანაწერებიც ამოიღეს.

ესთეტიკის ცენტრი დაახლოებით, დილის 05:00 საათზე გაძარცვეს. დადგენილია დამნაშავეთა ვინაობა, მძარცველები სავარაუდოდ არასრულწლოვნები არიან. გამოძიება ქურდობის მუხლით მიმდინარეობს.