შვილმა მამა სანადირო თოფით მოკლა

კიდევ ერთი მკვლელობა - გორში, 68 წლის კაცი, რომელსაც სამართალდამცავები შვილის მოთხოვნის საფუძველზე ეძებდნენ, მოკლული იპოვეს. შემთხვევა სოფელ ქორდში მოხდა. არსებული ინფორმაციით, მამა შვილმა სანადირო თოფით მოკლა. კვალის დაფარვის მიზნით, ცხედარი თბილისში წაიღო, შემდეგ კი მამის დაკარგვის შესახებ პოლიციაში განაცხადა.

ფაქტზე, 28 წლის კაცი დააკავეს. მას ბრალად დამამძიმებელ გარემოებაში, ოჯახის წევრის მიმართ ჩადენილი განზრახ მკვლელობა ედება, რისთვისაც 20 წლამდე, ან უვადო თავისუფლების აღკვეთა ემუქრება.