სისხლიანი გარჩევა ხელვაჩაურში - ძმამ ძმა მოკლა

სისხლიანი გარჩევა ხელვაჩაურში მკვლელობით დასრულდა - TV25.GE-ის ინფორმაციით, ძმამ ძმა მოკლა. შემთხვევა დღეს დილით, სოფელ კიბეში მოხდა.

სასწრაფო-სამედიცინო დახმარების ცენტრში გვითხრეს, რომ ადგილზე მისულ ჯგუფს კაცი გარდაცვლილი დახვდა.

სოფელ კიბეში ხელვაჩაურის მუნიციპალიტეტის მერის წარმომადგენლის, ნოდარ იაკობაძის თქმით, შემთხვევის მოტივი ოჯახური კონფლიქტი გახდა. გარდაცვლილია 35 წლამდე ასაკის კაცი.

შსს-ს ინფორმაციით, ბრალდებული განზრახ მკვლელობის მუხლით, უკვე დაკავებულია. პოლიციამ დანაშაულის ჩადენის იარაღი - სანადირო თოფი ნივთმტკიცებად ამოიღო. დანაშაული 16-დან 20 წლამდე ან უვადო თავისუფლების აღკვეთას ითვალისწინებს.