სისხლიანი გარჩევა რუსთავში - 18 წლის გოგომ 20 წლის გოგო დაჭრა

სისხლიანი გარჩევა რუსთავში - 18 წლის გოგომ 20 წლის გოგო დაჭრა. შემთხვევა ცოტა ხნის წინ, ერთ-ერთი სასტუმროს მიმდებარედ მოხდა.

დაჭრილი რუსთავის ცენტრალურ საავადმყოფოში გადაიყვანეს. კლინიკის დირექტორის თქმით, მას დაზიანებები სავარაუდოდ, ცივი იარაღით, მუცლის არეში აქვს მიყენებული.

არსებული ინფორმაციით, დაჭრილი ერთ-ერთი სუპერმარკეტის მოლარეა და ჭრილობები მას გვიან ღამით მიაყენეს. გოგონები ერთმანეთს იცნობდნენ და შემთხვევა ურთიერთშელაპარაკებას მოჰყვა.

უცნობია რა გახდა დაპირისპირების მიზეზი. შსს-მ სავარაუდო დამნაშავე, უკვე დააკავა. გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.