ტრეფიკინგის ბრალდებით 4 პირი დააკავეს

ადამიანით ვაჭრობის  და განსაკუთრებით მძიმე დანაშაულის დამალვის  ბრალდებით 4 პირი დააკავეს. ინფორმაციას შინაგან საქმეთა სამინისტრო ავრცელებს. გამოძიებით დადგინა, რომ  ბრალდებულებმა ტრეფიკინგის გეგმა შეიმუშავეს. მის სისრულეში მოყვანის მიზნით კი გადაიბირეს შეზღუდული შესაძლებლობის მქონე მოქალაქე და სექსუალურ ექსპლუატაციას უწევდნენ. კერძოდ, დაზარალებულს, ფსიქოლოგიური ძალადობის გამოყენებით, სხვა პირებისთვის, გარკვეული ანაზღაურების სანაცვლოდ, სექსუალური მომსახურების გაწევას აიძულებდნენ. ბრალდებულები ამ გზით მიღებულ თანხას კი პირადად ისაკუთრებდნენ. მიმდინარეობს გამოძიება, დანაშაული 14 წლამდე ვადით თავისუფლების აღკვეთას ითვალისწინებს.