ცეცხლსასროლი იარაღიდან 15-მდე ტყვია გაისროლეს - დაჭრილია ერთი ადამიანი

თბილისში, შანიძის ქუჩაზე სროლა იყო. არსებული ინფორმაციით, ცეცხლსასროლი იარაღიდან 15-მდე ტყვია გაისროლეს.

შედეგად, დაიჭრა ერთი ადამიანი, რომელიც სასწრაფომ კლინიკაში გადაიყვანა. ექიმის განცხადებით, მისი ჯანმრთელობის მდგომარეობა მძიმეა, თუმცა სტაბილური. მას ქირურგიული ოპერაცია უკვე ჩაუტარდა.

ადგილზე საპატრულო პოლიცია იყო მობილიზებული. გამოძიება სისხლის სამართლის კოდექსის 117-ე ( ჯანმრთელობის განზრახ მძიმე დაზიანება)და 236-ე (ცეცხლსასროლი იარაღის უკანონო შეძენა-შენახვა-ტარება) მუხლებით მიმდინარეობს.