ვანდალიზმის ფაქტი ქედაში - მუნიციპალიტეტში, სკულპტურა "საქართველოს სადარაჯოზე" დააზიანეს

ვანდალიზმის ფაქტი ქედაში. ჯერჯერობით დაუდგენელმა პირებმა მუნიციპალიტეტის შესასვლელში არსებული მონუმენტი დააზიანეს. ფაქტს ქედის მერი ადასტურებს, თუმცა, ამბობს, რომ მომხდარის შესახებ დამატებით ინფორმაციას არ ფლობს.

როლანდ ბერიძის თქმით, ვანდალიზმის შესახებ პოლიციას უკვე აცნობეს და საგამოძიებო მოქმედებები მიმდინარეობს. „საქართველოს სადარაჯოზე“ - ერთიანობისა და დამოუკიდებლობისთვის თავდადებულთა მონუმენტი, ქედაში, 2018 წელს დამონტაჟდა.

სკულპტურა საინიციატივო ჯგუფმა – ბერიძეების საგვარეულომ – საქართველოს დემოკრატიული რესპუბლიკის დაარსებიდან ასი წლისთავს მიუძღვნა. შინაგან საქმეთა სამინისტროში არ გვითხრეს, რა მუხლით დაიწყო გამოძიება.

მეტის ნახვა