აჭარის განათლების სამინისტრომ ფესტივალების საგრანტო კონკურსი გამოაცხადა

აჭარის განათლების სამინისტრომ ფესტივალების საგრანტო კონკურსი გამოაცხადა. განაცხადების მიღება 30 აპრილის ჩათვლითაა შესაძლებელი. მასში მონაწილეობის უფლება საქართველოში რეგისტრირებულ არასამეწარმეო იურიდიულ პირებს აქვთ, ღონისძიება კი აჭარის ავტონომიური რესპუბლიკის ადმინისტრაციულ ტერიტორიაზე უნდა განხორციელდეს.

ბიუჯეტი 600 000 ლარითაა განსაზღვრული, ხოლო ერთი ფესტივალის განხორციელებისათვის გრანტი არაუმეტეს 80 000 ლარია გათვალისწინებული.

აჭარის განათლების სამინისტროს ინფორმაციით, მიზანი უნიკალური, ავთენტური, კონკურენტუნარიანი კულტურის ღონისძიებების მხარდაჭერა, რეგიონის ცნობადობის ამაღლება და პოპულარიზაციაა. განაცხადების წარდგენა ელექტრონული ფორმითაა შესაძლებელი.