ბათუმში, დასაქმების ფორუმი გაიმართა

დასაქმების ხელშეწყობის სახელმწიფო სააგენტოსა და აჭარის დასაქმების სააგენტოს ორგანიზებით, ბათუმში, საინფორმაციო შეხვედრა გაიმართა. პანელურ დისკუსიაში აჭარის ბიზნეს სექტორის წარმომადგენლები მონაწილეობდნენ.

მხარეებმა შრომის ბაზარზე არსებული გამოწვევები განიხილეს. ისაუბრეს შრომის ბაზარზე სოციალურად დაუცველი მოქალაქეების გააქტიურებაზეც. ღონისძიების მიზანი კერძო კომპანიებისთვის სასურველი კადრების გამარტივებული გზით პოვნაა.

რაც შეეხება სამუშაოს მაძიებლებს, მათ საშუალება ეძლევათ იშოვონ საინტერესო და მორგებული სამსახური. ღონისძიება ორდღიანია. დასაქმების მსურველები ბიზნესსექტორის წარმომადგენლებთან გასაუბრებას ხვალ შეძლებენ.