საერთაშორისო ბაზარზე ბენზინი გაძვირდა

საერთაშორისო ბაზარზე ბენზინის ფასი გაიზარდა. ნავთობის ბაზრის ანალიტიკოსების პროგნიზით, საწვავის მარაგების შემცირების გამო, ფასებმა შესაძლოა კიდევ უფრო მოიმატოს.

ერთ-ერთ მიზეზად საერთაშორისო ექსპერტები უკრაინაში რუსეთის ომსაც ასახელებენ. მათი ვარაუდით, ბრენტის ტიპის ნავთობის ფასმა შეიძლება ბარელზე 90 დოლარს გადააჭარბოს.

BBC-ის ცნობით, 13 აგვისტოს ბოლო მონაცემებით, ბენზინის ფასმა ლიტრზე საშუალოდ 149.1 ბრიტანული პენსი შეადგინა. სულ რაღაც ორ კვირაში, ის გაიზარდა 4 პენსით, რაც თებერვლის შემდეგ ფასებზე ყველაზე მაღალი მაჩვენებელია.

დიზელის ფასი ლიტრზე 150.6 პენსია - მაისის შემდეგ ეს ყველაზე მაღალი მაჩვენებელია.