ბათუმში აზიის საზღვაო და მეთევზეობის უნივერსიტეტების 22-ე საერთაშორისო ფორუმი გაიხსნა

აზიის საზღვაო და მეთევზეობის უნივერსიტეტების 22-ე საერთაშორისო ფორუმი გაიხნა ბათუმში. "მომავლის ნავიგაცია: მდგრადი მეთევზეობა, საზღვაო განათლება და წვრთნა გემების ციფრული ტრანსფორმაციის ეპოქაში" - ეს წლევანდელი ღონისძიების თემაა. მასში კორეის, ჩინეთის, სინგაპურის, ინდონეზიის, მალაიზიის, ფილიპინების და სხვა წამყვანი საზღვაო საგანმანათლებლო დაწესებულებების წარმომადგენლები მონაწილეობენ. ღონისძიების მიზანია ხელი შეუწყოს საერთაშორისო აკადემიურ თანამშრომლობას, გაცვლით პროგრამებს და ერთობლივ მულტიდისციპლინურ კვლევებს საზღვაო განათლებისა და მართვის სფეროებში. ფორუმი 3 დღიანია და მისი ორგანიზატორი ბათუმის ნავიგაციის სასწავლო უნივერსიტეტია.