ბათუმში N3-ე საჯარო სკოლის მშენებლობა გრძელდება

ბათუმში, N3-ე საჯარო სკოლის მშენებლობა გრძელდება. პროექტის მიხედვით აშენდება თანამედროვე სტანდარტების  3-სართულიანი შენობა, რომელიც  600 მოსწავლეზე იქნება გათვლილი. ამ ეტაპზე  საძირკვლის მოწყობა მიმდინარეობს. საგანმანათლებლო დაწესებულება სრულად იქნება ადაპტირებული სპეციალური საჭიროების მქონე მოსწავლეებისთვის, აღიჭურვება საჭირო ინვენტარით. აჭარის მთავრობის ინფორმაციით, ამ ეტაპზე აჭარაში  6 საჯარო სკოლის სასწავლო კორპუსის და სპორტული დარბაზის მშენებლობა მიმდინარეობს.