სულიკო თებიძე აჭარის განათლების ფონდისა და ბათუმის მასწავლებლის სახლის დირექტორად დაინიშნა

სულიკო თებიძე

ბათუმის მე-4 მოწვევის საკრებულოს ყოფილი თავმჯდომარე აჭარის განათლების ფონდის და ბათუმის მასწავლებლის სახლის დირექტორად დანიშნეს.

სულიკო თებიძე ახალ თანამდებობაზე რეგიონის განათლების მინისტრმა, მაია ხაჯიშვილმა მედიის გარეშე წარადგინა. ინფორმაციას კი თავად სამინისტრო ავრცელებს.

უწყების ცნობით, თებიძე დღეს, ფონდში დასაქმებულ პირებს შეხვდა. მხარეებმა მიმდინარე პროექტები და სამომავლო გეგმები განიხილეს.

საკრებულოს ყოფილი თავმჯდომარის დანიშვნამდე ფონდში დირექტორის მოვალეობას რუსუდან ქავთარაძე ასრულებდა, რომელიც ახლა დირექტორის მოადგილედ გააგრძელებს მუშაობას.

შეგახსენებთ, სულიკო თებიძე ბათუმის წარმომადგენლობითი ორგანოს თავმჯდომარედ 2017 წლის 20 ნოემბერს აირჩიეს. იგი „ქართულ ოცნებას“ წარმოადგენდა.

მეტის ნახვა