ბათუმის რესპუბლიკურ საავადმყოფოს პედიატრიული დეპარტამენტი დაემატა

ბათუმის რესპუბლიკურ საავადმყოფოს პედიატრიული დეპარტამენტი დაემატა. განყოფილება 30 პაციენტზეა გათვლილი.

კლინიკაში ხელმისაწვდომი იქნება შემდეგი პედიატრიული მიმართულებები: ბავშვთა გადაუდებელი დახმარება, ზოგადი პედიატრია, კარდიორევმატოლოგია, ნეფროლოგია, ალერგოლოგია, ნევროლოგია, ტოქსიკოლოგია, გასტროენტეროლოგია, ბავშვთა ინფექციები, ზოგადი ქირურგია, ყბა-სახის ქირურგია, ორთოპედია-ტრავმატოლოგია, ოტო-რინო-ლარინგოლოგია.

აჭარის ჯანდაცვის სამინისტროს ინფორმაციით, სერვისებს, უახლოეს პერიოდში, ბავშვთა რეანიმაცია დაემატება. დეპარტამენტს 37 წლიანი სამუშაო გამოცდილების მქონე პედეატრი, ბავშვთა კარდიორევმატოლოგი, თამაზ სურმანიძე უხელმძღვანელებს.