ენმ-ის წევრები რეგიონებში მოსახლეობისთვის სამედიცინო დახმარების გაწევას აპირებენ

მიხეილ სააკაშვილის ინიციატივით ახალი პროექტი იწყება. ინფორმაციას ქვეყნის მესამე პრეზიდენტის წარმომადგენელი ავრცელებს.

სოფო ჯაფარიძის თქმით, განხორციელდება ჰუმანიტარული ინიციატივა, რომლის მიხედვითაც, ექიმები, რეგიონებში ჩასვლას გეგმავენ, მოსახლეობისთვის სამედიცინო დახმარების გასაწევად.

„ნამდვილად არ ვთვლი, რომ სასაცილოდ გვაქვს საქმე, როცა გაჭირვებული ადამიანი მწერს, რომ გაჭირვების გამო, არჩევანს აკეთებს საკვებსა და ექიმთან ვიზიტს შორის. როცა მშობლებს, საკუთარი შიმშილის ფასად უწევთ ჩვილი ბავშვების გამოკვება, როცა სრულყოფილი მკურნალობის მიღება ფუფუნების საგნად გადაიქცა. მე, სოფო ჯაფარიძე, ვიქნები იქ სადაც ჩემს ხალხს ვჭირდები,“- აცხადებს სოფო ჯაფარიძე.