შშმ პირთა მშობლებისთვის ფსიქო-სარეაბილიტაციო ცენტრის გახსნის ინიციატივა - ბათუმში, შეხვედრა გაიმართა

ბათუმში, განსაკუთრებული საჭიროების მქონე პირთა მშობლებისთვის ფსიქო-სარეაბილიტციო ცენტრის გახსნის ინიციატივით შეხვედრა გაიმართა. ღონისძიებას ორგანიზებას არასამთავრობო ორგანიზაცია „ქალის როლი საზოგადოებისათვის“ უწევდა.

სოციალური პროექტის პრეზენტაციას აჭარის ჯანდაცვის სამინისტროს, უმაღლესი საბჭოსა და მესამე სექტორის წარმომადგენლები, ასევე, ბენეფიციარები მშობლებთან ერთად, ფსიქოლოგები და სხვა დაინტერესებული პირები ესწრებოდნენ. ინიციატივის მიზანი შშმ პირთა მეურვეებისთვის საეაბილიტაციო საჭიროებების უზრუნველყოფაა. პროექტი განსახილველად და მხარდასაჭერად ბათუმის მერიას წარედგინება.