უფასო სამედიცინო მომსახურება “ბეშუმის” ამბულატორიაში

უფასო სამედიცინო დახმარება კურორტ "ბეშუმის" ამბულატორიაში, იალაღებზე მყოფ მემთეურებს მიეწოდა

პროცესს ადგილზე აჭარის ჯანმრთელობისა და სოციალური  დაცვის მინისტრის მოადგილე ზურაბ თენიეშვილი, საქართველოს პარლამენტის წევრთან, ანზორ ბოლქვაძესთან და ხულოს თვითმმართველობის ხელმძღვანელ პირებთან ერთად გაეცნო.

მაღალმთიან აჭარაში უფასო სამედიცინო აქციები პერიოდულად იმართება, მთავარ  მიზანს პრევენცია და ადრეული დიაგნოსტირება წარმოადგენს. ვიზიტის ფარგლებში, ხორციელდება კონსულტაცია და სამედიცინო კვლევები, მოწვეული და მრავალწლიანი გამოცდილების მქონე ექიმების მიერ.

ამჯერად, სამედიცინო აქციებში ჩართულები იყვნენ მაღალტექნოლოგიური ჰოსპიტალი "მედცენტრის" და "საქართველოს კლინიკების" ქსელის ექიმები.