ბათუმში, 30-ე საჯარო სკოლას რეაბილიტაცია უტარდება

ბათუმში, 30-ე საჯარო სკოლას რეაბილიტაცია უტარდება. 400 მოსწავლეზე გათვლილი შენობა გონიოს დასახლებაში მდებარეობს. განახლებული სივრცე მოსწავლეებს ახალი სასწავლო წლიდან მიიღებს. ამ ეტაპზე, შენობის შიდა და გარე ფასადის სარეაბილიტაციო სამუშაოები მიმდინარეობს.

პროექტის მიხედვით, უნდა მოეწყოს სკოლის ტერიტორია, სკვერი და ღია სპორტული მოედანი. უკვე გაკეთდა პანდუსები და ადაპტირებული სველი წერტილები. მიმდინარე წელს, აჭარის მთავრობის ბიუჯეტიდან, განათლების ინფრასტრუქტურის გაუმჯობესების მიზნით, 25  მლნ-ზე მეტი დაიხარჯება, აშენდება ახალი და რეაბილიტირდება 92-ზე მეტი სკოლა.

ინფორმაცია ვიდეო მასალასთან ერთად, აჭარის მთავრობის ადმინისტრაციამ მოგვაწოდა.

მეტის ნახვა