ბათუმში კიდევ ერთი ახალი საბავშვო ბაღი გაიხსნა

ბათუმში კიდევ ერთი ახალი საბავშვო ბაღი გაიხსნა. ვაჟა-ფშაველას ქუჩაზე მდებარე სკოლამდელი აღზრდის დაწესებულება 210 აღსაზრდელს მოემსახურება. თანამედროვე სტანდარტის შენობა ადაპტირებულია შშმ პირთათვის. პროექტის ფარგლებში კეთილმოეწყო ეზო, სადაც განთავსდა საბავშვო ატრაქციონები. #14 საბავშვო ბაღის სამუშაოების ღირებულება 2 მილიონ 113 ათას ლარს აღემატება. 2013-24 წლებში ბათუმს თანამედროვე სტანდარტის 12 მუნიციპალური საბავშვო ბაღი შეემატა, რეაბილიტირდა - 20. ამ დროისთვის დასრულების ეტაპზეა მელიქიშვილის ქუჩაზე არსებული #4 საბავშვო ბაღის რეაბილიტაცია, ხოლო წლის ბოლომდე დასრულდება 1 ახალი საბავშვო ბაღის მშენებლობა აეროპორტის ადმინისტრაციულ ერთეულში.